Wala gi-welcome sa pundok sa mga coalition group nga nanawagan og accountability ug hustisya ang presensya sa mga Duterte Die Hard Supporters kon DDS sa gipahigayong White Ribbon March kagahapon didto sa EDSA Shrine.
Giklaro ni Mimi Doringo sa Kalipunan ng Damayang Mahihirap kon Kadamay nga dili welcome ang maong pundok tungod kay tin-aw nga aduna sila’y kaugalingong interes sa pag-apil.
Alang kang Doringo, gigamit lamang sa mga DDS ang maong higayon aron protektahan si Bise Presidente Sara Duterte, samtang ang ilang tuyo mao ang pagpanawagan og tulubagon sa tanang nalambigit sa korapsyon.
Busa, nanawagan na lamang ang mga grupo nga ang angay buhaton ni VP Sara Duterte mao ang pag-atubang sa mga kaso niini sa impeachment sa hearing sa Senado imbes nga magpakita sa maong matang sa protesta.
