Hingpit nga reporma sa sistema sa eleksyon sa nasud ang panawagan sa grupong KONTRA Daya sa white ribbon march niadtong Dominggo.
Butyag ni Prof. Danilo Arao sa gisaway matod pa sa ilang maong grupo ang pagka-inutil sa COMELEC sa pagsumpo sa mga pamaagi sa pagpanglimbong sama sa pagpalit og boto nga miabot na sa 16,000 pesos ang kantidad sa miaging piniliay.
Gikwestyon usab ni Arao ang paggamit sa mga automated counting machine nga nagkantidad og kapin sa 100,000 pesos matag usa apan sagad makasinati og teknikal nga aberya sama sa pag-overheat ug pagkapakyas sa pag-imprinta sa hustong resibo.
Gumikan niini, gipamugos sa grupo ang pagpatuman sa manual nga pagboto ug pag-ihap, duyog sa pagpasar og tinuod nga anti-political dynasty law aron maputol ang kontrol sa mga adunahan ug gamhanang pamilya sa gobyerno.
