CAGAYAN DE ORO CITY – Nanganti ang Golden State Warriors nga mobalos sa Toronto Raptors sa game 2 sa 2019 NBA finals.
Gihimo ni Warriors superstar Stephen Curry ang pahayag human sila pukana sa Raptors sa game 1 sa final score nga 118-109 kagahapong adlawa.
Miingon si Currry nga dili pa katapusan sa kalibutan kay may higayon pa silang itabla ang serye sa 1-all sa ilang dula sa game 2 nga himoon gihapon sa homecourt sa Toronto sa Scotiabank Arena sa adlaw’ng lunes.
Una nang giangkon ni Golden State head coach Steve Kerr nga napakyas sila paglumpag sa lig-ong depensa sa Raptors.
Samtang namahayag si Toronto forward Pascal Siakam nga ilang pangandaman ang bisan unsang adjustments nga himoon sa Warriors sa game 2.
Si Siakam maoy nangulo sa kadaugan sa Raptors sa game 1 sa iyang gitunol nga 32 points ug 8 rebounds.
