CAGAYAN DE ORO CITY- Dili intresado apan kon makuha dakong plus factor sa basketball career ni Golden State Warrior star player Stephen Curry sa NBA.
Kini ang pagpasabot ni Steph kon siya na ba ang sunod nga mahimong most valuable player o MVP sa NBA finals batok sa Toronto Raptors ning tuiga.
Gihimo ni Curry ang katin-awan tungod kay dili makadula si GSW power forward Kevin Durant sa game 1 batok Raptors tungod sa injury niini.
Miingon si Curry nga dili niini prioridad ang magkuha sa MVP award apan ang importante kaniya nga madala niya ang team sa laing kampeonato.
Dugang niini nga dili mahimong ibalewala ang team effort sa iyang mga kauban aron lamang makuha ang sunod-sunod nga kampeonato sa NBA finals.
Dugtong niini,giuyunan usab ni Warriors coach Steve Kerr ang baruganan ni Curry.
Miingon si Kerr nga mismo siya ang nakasaksi sa pagkatawo ni Curry nga dili self-centered nga player bisan nga anaa na unta kaniya ang tanang kahigayunan.
Dumduman sa tuig 2015,si Andre Igoudala ang NBA finals MVP,gisundan ni Durant sa mga tuig 2017 ug 2018 samtang intresado usab ang ilang center nga si Australian player Andrew Bogut.
Himoon ang unang dula sa homecourt sa Raptors sa Scotiabank Arena sa Ontario, Canada diin andam na ang Bombo Radyo coverage team sa paghatag sa buhi nga paghulagway ug ‘in-depth’ analysis sa ning adlawa.
