CAGAYAN DE ORO CITY- Himoon sa defending champion Golden State Warriors ang tanan nilang makaya aron mapungan ang opensa ug depensa ni Toronto Raptors star player Kawhi Leonard sa game 1 sa 2019 NBA finals mga masaksihan sa fans ning adlawa.
Matud ni Warriors Superstar Stephen Curry nga intact ang ilang defenders nga maoy mosanta sa ‘physically gifted’ nga kalig-on ni Leonard.
Sa iyang bahin, namahayag si Leonard nga dili siya magpadala sa pressure ug iya lamang isipon nga regular game ang NBA finals.
Samtang gibutyag ni Golden State head coach Steve Kerr nga mao kini ang finals nga iyang gipangita kon diin dili nila kabisado ang game strategy sa ilang kontra.
Apan giseguro ni Kerr nga dili sila magpaapekto sa injuries nga naangkon nila ni Kevin Durant ug DeMarcus cousins ug ilang paningkamutan ang pagsakmit sa ikatulong titulo sa NBA ning tuiga.
Una niini,namahayag si Raptors coach Nick Nurse nga may gi-andam na silang diskarte batok sa shooters sa Warriors ilabina kang Curry ug Klay Thompson.
