Hingpit nang giandam sa kagamhanan sa Guam ang pagpaubos sa isla sa Condition of Readiness 1 karong udto, human ang mga opisyal nga sila si Governor Lou Leon Guerrero, Rear Admiral Brett Mietus, ug Lt. Governor Josh Tenorio nagtinabangay sa pagpahugot sa seguridad alang sa pag-abot sa Super Typhoon Bavi.
Gipasabot ni Governor Lou Leon Guerrero nga kinahanglan nang magpabilin sa panimalay ang katawhan ug likayan ang pagbiyahe sa kalsada samtang gipaabot ang pagdaut sa panahon.
Sa bahin sa militar, giingon ni Rear Admiral Brett Mietus nga limitado lamang sa mga key ug essential personnel ang pagtugot sa pag-access sa mga base militar aron masiguro ang kaluwasan sa tanan.
Dugang pa ni Lt. Governor Josh Tenorio, abli na ang lima ka mga evacuation shelter sukad alas 7 sa buntag nga naglakip sa mga tulunghaan sa Machanao,Astumbo, Maria Ulloa, Talofofo, ug Ordot-Chalan Pago para sa mga residente nga nagkinahanglan og dapit nga kapasilungan.
