Gisaway og maayo sa anti-war advocate nga si Ben Tiu Contreras ang matud pa paspas ug walay klarong negosasyon nga pagsugot sa gobyerno sa bag-ong proyekto nga Pax Silica AI hub nga giingong makahatag ra og trabaho.
Gipadayag ni Contreras nga kabahin ra kini sa packaging sa mga langyawng negosyante aron matabonan ang ilang tinuod nga tumong nga himoong launching pad ang Pilipinas batok sa nasod sa China.
Dugang pa niya nga hostage karon sa Estados Unidos ang administrasyon ni Pangulong Bongbong Marcos maong gihimo lang nga spy-net ang pipila ka lugar sa nasod.
Bisan pa man sa maong hulga, nagtuo ang alyansa nga bugtong ang pagbarog ug pag-alsa ra sa katawhan ang makapaundang sa kontrol sa Amerika sa nasod.
