CAGAYAN DE ORO CITY – Gihimuan na’g imbestigasyon sa Internal Affairs Service o IAS 10 nga nakabase sa Police Regional Office 10 ang nasagulan sa bayolente nga pagpatuman sa writ of demolition sa sobra 200 ka balay sa Sitio Palalan,Brgy Lumbia ning syudad.
Kini human unang nagka-rayot ang pipila ka residente ug mga pulis nga igo lang mihatag sa seguridad sa demolition team nga gisugo sa demolasyon sa korte.
Apan dunay mga nasamdan sa panig sa mga pulis ug mga sibilyan rason nga angay sutaon sa IAS kon may paghinobra sa pagpatuman sa puwersa atol sa hitabo.
Una nang samaron ang deputy commander sa Lumbia Police Station kay naigo sa paglabay sa mga bato samtang gisuguro nga dili unta magkagubot ang demolasyon.
Hinoon,nadakpan ug nakasuhan na sa daghang mga kasong kriminal ang pipila ka gitoohang mga reponsable sa pagpangbato.
Apan sa panig usab sa pipila ka dinakpan,gikausar nila nga sila gipangkulata sa mga pulis rason nga misugyot ang ilang pamilya nga angay maimbestigaran sa IAS ang hitabo.
