Gipahinumduman sa Regional Anti-Crime Unit 13 ang publiko nga ang gugma ug pagpakabana sa pamilya dili angay limitahan sa Valentine’s Day lamang.
Bisan pa natapos na ang Pebrero 14, giingon nga ang paghatag bili sa mga mahal sa kinabuhi kinahanglan ipadayon matag adlaw.
Namahayag si PCOL Lemuel Gonda, chief sa Regional Anti-Crime Unit 13, nga dili lang sa usa ka petsa o usa ka bulan handumon ang pamilya ug mga mahal sa kinabuhi.
Gipasabot nga ang maong binuhatan angay mahimong normal ug bahin sa adlaw-adlaw nga kinabuhi.Gidugang nga ang pamilya ang pundasyon sa kalinaw ug kalampusan sa usa ka tawo, ug wala’y sukod ang kalipay nga madala sa lig-on ug matinud-anon nga panimalay.
Gi-awhag ang katawhan nga ipadayon ang pagpakita sa gugma, respeto ug pag-atiman sa pamilya sa tanang panahon, dili lamang panahon sa Valentine’s Day. (James Oliver)
