CAGAYAN DE ORO CITY- Angayang basulon mismo ni City Vice Mayor Rainer Joaquin ‘Kikang’ Uy ang kaugalingon niini kon nganong gikasuhan siya sa Ombudsman.
Kini human nagdumili si Uy pag-assume isip mayor subay sa mando sa DILG tungod sa dismissal order gikan Ombudsman batok City Mayor Oscar Moreno.
Kini ang baruganan ni kanhi Taglimao Brgy Kap William Guillani kinsa personal nakighimamat kang DILG asst regional director Abdul Matalam aron pangayua’g katin-awan kon kinsa ang tinud-anay nga mayor sa syudad.
Si Guillani ang unang nagpasaka sa iyang mga reklamo batok Moreno ug Uy sa miaging hukom sa dismissal orders gikan sa Ombudsman apan wala’y aksyong gihimo ang DILG.
Samtang gidepensa sa kanhi empleyado city hall nga si Atty Rico Pajo ang kaso gipasaka batok Uy sa Ombudsman.
Kini human gikasuhan ni Pajo si Uy sa direlection of duty kay nagdumili pag-asyumar sa pagka-mayor sa syudad bisan gimanduan sa DILG.
Namugos si Pajo nga bakante ang pagka-mayor sa pagka-dismiss ni Moreno hinungdan mo-take over si Uy.
Namugos si Pajo nga walay bisan kinsa nga politiko ug partido nga nagpaluyo kaniya aron kasuhan si Uy sa Ombudsman.
