CAGAYAN DE ORO CITY – Misaka pa sa 18 ka tawo ang tingkagol ug duha ang pabiling gawasnon nga nakahimo’g pagsupak sa gun ban implementation sa Commission on Elections nga gipatuman sa kapolisan ug kasundaluhan sa Northern Mindanao.
Gikompirmar ni PRO 10 regional spokesperson Major Joann Navarro nga pulos na nakasuhan sa pagsupak sa election gun ban ug kasong illegal possession of firearms ang mga dinakpan sukad napatuman ang election period.
Siya miingon nga sa maong mga dinakpan,anaa sa 17 ka klase-klaseng armas ang nabawi samtang halos 80 ka mga bala ang nakompiskar.
Gibutyag ni Navarro nga posibleng mosaka pa ang maong mga numero sanglit wala pa nagsugod ang kampanya sa mga lokal nga kandidato dinhi sa rehiyon.
Sa dili pa May 12 elections, tugtan una sa Comelec ang mga kandidatong nasudnon ug mga lokal makapanya nga magsugod Pebrero ug Marso ning tuiga.
Hisayrang subay sa Comelec-Manila,pasiunang adunay 30 ka lugar sa rehiyon nga ubos sa areas of concern kon isubay ang mga kanhi paglusad sa piliay sa nasud.
