CAGAYAN DE ORO CITY, Philippines – Bakakon si Guo! Tubag kini ni Senador Win Gatchalian sa social media post ni suspended Bamban Tarlac Mayor Alice Guo nga “fixated” o “gi-single out” siya’g maayo sa senado.
Miingon ang chairman sa Committee on Ways and Means nga dakung sala si Guo sa Konstitusyon sa Pilipinas ilabe na nga nanlimbong siya sa iyang identidad aron makasulod sa Pilipinas, ug makahupot sa dakung posisyon sa gobyerno.
Lakip sa nagtaas kilay sa facebook rant ni Guo, si Opposition Senator Risa Hontiveros.
Gihagit ni Hontiveros si Guo nga muatubang ug mangisog sa sesyon sa senado ug dili lang taman ang kaisog sa pagpost sa social media.
