CAGAYAN DE ORO CITY, Philippines – Gusto magduso sa kontra demanda si Guo Hua Ping alyas Alice Guo kang self-confessed Chinese spy, She Zhijiang.
Nunot kini sa gipahungaw nga ”dossier’ sa news documentary sa British News Network – Aljazeera, nga gipresentar ni Davao Oriental Rep. Cheeno Miguel Almario sa Qaudrupole Committee sa hearing sa ilegal nga kalihukan Philippine Offshore Gaming Operation Hubs nga konektado kang Guo.
Gisubmitar sa kongresista ang dokumento isip ebidenya nga muduot sa pagpanglimbong ni Guo sa goyerno sa Pilipinas nga siya usa ka Pilipino ug ebidensya nga siya usa sa Chinese Government Funded nga FC 1, ppl nga gipadala dinhi sa Pilipinas.
Gisupak ni Guo ang video documentary sa Aljazeera ug namugos nga dili niya kaila ang detinadong ispiya nga si She Zhijiang, didto sa Thailand.
Sa makapilang higayon, gipalanog ni Guo nga dili siya ispiya ug dili siya ang anaa sa hulagway sa news documentary sa British News Network.
