CAGAYAN DE ORO CITY, Philippines – Misang-at sa kasong tax evasion ang Bureau of Internal Revenue (BIR) batok sa gitangtang nga mayor sa Bamban, Tarlac – Alice Guo.
Ang kaso misangpot sa pagbalhin sa mayor sa iyang shares ngadto kang Baoufu, nga maoy property developers sa Hongsheng Gaming ug Zun Yuan Technology Inc, kung asa pulos nahimutang sa yuta nga gipanag-iya ni Jack Uy, usa ka kaubang akusado sa kanhi mayor.
Gibutyag ni BIR Commissioner Romero Lumagui Jr. nga wala mubayad si Guo sa capital gains tax ug documentary stamp nga mokabat sa P500,000 kalabot sa pagbalhin sa mga kabtangan.
Dugang pa sa opisyal nga nakalatid sa balaod nga kinahanglang mubayad una sa buhis ayha ibalhin ang shares ug corporate books ayha magreport sa Securities and Exchange Commission.
