CAGAYAN DE ORO CITY – ‘Dili lang kutob sa pagsidlak ang gisul-ob nga korona sa ulo apan masud-ong ang sugilanon kabahin sa dakbayan.’Kini ang tipik sa mensahe ni reigning 2025 Ms Cagayan de O Gwyneth Jemimah Chan nga garbo sa Brgy Lapasan sa ilang koronasyon sa Limketkai Mall Atrium ning syudad sa milabay’ng Sabado sa gabii.
Gibutyag sa Ms.CdeO candidate no.8 nga nahimong nagmabungahon ang tulo ka bulan nga sakripisyo sa kompetisyon gumikan sa walay hunong nga pagsampit sa kahitas-an.
Siya miingon nga usa sa iyang nagsilbing bentaha sa 12 nila ka kandidata ang hugot niya nga pagtoo sa mga gilitok nga mga pag-ampo sa giapilan nga indigay.
Kini rason nga sa gihatag nga higayon kaniya aron magsilbing beauty ambassadres, prayoridad niya ang paghatag sa kadasig sa matag-Cagayanon nga motindog taliwala sa mga pagsulay aron magbaton sa lig-on nga katilingban ang dakbayan.
Gihulipan ni Chan si 2024 Ms CdeO Alyssa Marie Cordova gikan sa Brgy Bugo.
Nagsilbi niya nga 4th runner up si candidate no.10 Berjayneth Chee gikan sa Brgy Bulua;3rd runner up si candidate no.4 Charlaine Shrose Batobato sa Brgy Gusa;2nd runner up si Francine Mushieda Abueva nga candidate no.11 sa Brgy Macasandig ug si Melody Lusterio nga taga-Brgy Lumbia nga candidate no.5 ang 1st runner up.
Ang ika-60 nga Ms Cagayan de Oro ang tipik sa ‘core events’ nga kalihukan sa city government ubos ni Mayor Rolando ‘Klarex’ Uy agi’g alayon sa kapistahan sa patron Senior San Agustin sa syudad matag-petsa 28 sa Agosto.
Hisayrang dili moubos sa 28 milyones pesos ang gitagana nga pondo sa mga kalihukan sa kapistahan diin ang P20-M ang naggikan sa panudlanan sa city govt ug ang sobra gikan sa nagkadaiyang support groups.
