CAGAYAN DE ORO CITY – Gitorture ug gipatay sama sa baboy ang usa ka habal-habal drayber sa Sitio Salumayag Halapitan San Fernando, Bukidnon.
Segun sa report ni 8th IB Civil Military Officer 1st Lt. Erwin Bugarin, giila ang biktima nga si Aldrich Luther Agbayani, 19 anyos, ulitawo ug molopyo sa maong dapit.
Gipatay matud pa ang biktima sa mga nagpailang sakop sa New Peoples Army (NPA) sa maong dapit.
Hisayran nga nabangalan ang patay’ng lawas sa biktima nga nagpangos pangos ang tibook lawas human gituohang giguyod sa mga rebelde gikan sa tiilan nga bahin sa kalasangan nga gilabugan niini.
Gituohan nga namatay ang biktima tungod sa grabeng torture tungod sab sa bun-og sa iyang lawas samtang gihiktan ug pisi ang liog niini.
Una niini, misugilon sab ang mga molopyo sa maong bisinidad nga gilusayan silag pangilkil ug pagpamahad sa mga rebelde.
Gikondinar sa AFP ang hinimoang terorista sa mga NPA terrorist group.
