CAGAYAN DE ORO CITY-Patay ang habal-habal driver samtang pabalik na gikan naghatod sa pasahero diha sa Bulua Westbound Terminal ning syudad kagabii.
Giila ang biktima nga si Rodrigo Rodriguez,ulitawo,hingkod ang panuigon ug nagpuyo sa Brgy Balulang sa syudad.
Gibutyag sa bayaw ni Rodriguez nga si Rodrigo Masiglas nga nakaangkon sa bun-og sa dagway ang biktima hinungdan nga dead on arrival nahidangat sa Northern Mindanao Medical Center.
Midangop sa kapolisan ang kabanay sa biktima aron sayron kon kini nabanggaan o mismo ang midumbol sa cargo truck atol sa aksidente ning syudad.
