CAGAYAN DE ORO CITY – Namugos ang kapolisan nga walay foul play sa kamatayon sa habal-habal driver nga unang nadungog nga naghunos kinabuhi sulod selda sa Opol Police Station sa lungsod sa Opol,Misamis Oriental.
Kini ang gisaysay ni Opol Police Station commander Police Major Michael Lacasan subay sa resulta sa imbestigasyon sa Scene of the Crime Operatives o SOCO nga mihiling sa lawas sa biktima nga si Jerry Variacion Bangasao, 44 anyos,minyo nga taga-Sitio Manga,Brgy Sugbongcogon,Tagoloan ning lalawigan.
Gihimo ni Lacasan ang katin-awan nunot sa hugot nga pagduda sa pamilya sa biktima nga dunay foul play ang kamatayon niini sa miaging gabii.
Si Bangasao ang gidetinar sa mini-cell sa kapolisan kay giakusahan nga daw nanglugos sa pasahero niining babaye nga menor de edad nga taga-Brgy Lapasan ning syudad.
Samtang nahukman sa pamilya nga ipaubos sa otopsiya ang patay’ng lawas habal-habal driver.Kini aron matubag ang pagduda sa mag-inahan nga si Teresita ug Kitchie Mae sa gidangatan sa ilang mahal sa kinabuhi nga si Jerry Variacion.
Namahayag si Kitchie Mae nga kulang sila sa pagtoo nga himoon kini sa biktima rason nga ipa-otopsiya.
Hisayrang migamit daw sa bakus pagpamatay ang biktima samtang gilain sa pikas selda sa maong estasyon sa pulis sa lalawigan.
