Gituohang sa grupong Hakbang ng Maisug nga defective ang impeachment complaint batok kang Vice President Sara Duterte tungod sa giingong iligal nga pagkuha sa pipila ka dokumento ug ebidensya nga gilakip sa kaso.
Mao kini ang gipadayag ni Atty. Vic Rodriguez, lead convenor sa grupo, diin iyang giingon nga ang ilang obserbasyon sa proseso sa Kamara maoy dugang suporta sa ilang petition for certiorari ug prohibition nga gisang-at sa Korte Suprema.
Matod ni Rodriguez, gilapas kuno sa ubang magbabalaod ang confidentiality sa mga bank records ug dokumento nga giingong gikan sa Anti-Money Laundering Council (AMLC).
Dugang pa niya, dili mahimong magpadayon ang impeachment court sa Senado kon iligal usab ang paagi sa pagkuha sa documentary ug testimonial evidence nga gigamit sa articles of impeachment.
Gipadayag usab ni Rodriguez nga posible kining mahimong usa sa mga isyu nga ipasaka sa legal team ni Vice President Sara Duterte atol sa impeachment proceedings sa Senado.
