CAGAYAN DE ORO CITY – Nangbalik na sa ilang pinuy-anan ang halos gatos ka pamilya nga kanhi nangbakwit tungod sa pagsaka sa tubig-baha sa suba sa Brgy Suarez, Iligan City.
Kini human unang nakasinati sa kusog nga pagbundak sa pag-ulan nga inubanan sa paghapak sa buhawi ang maong lugar hinungdan pag-awas sa tubig-baha.
Miingon si Iligan City Vice Mayor Jemar Vera Cruz nga hinoon walay mga residente nga samaron gawas lamang sa pagkaguba sa duha ka balay kay natumbahan sa punuan sa mga lubi.
Nahatagan usab sa mga ayuda ang maong mga biktima ayha namiya sa evacuation center sa miaging adlaw.
