CAGAYAN DE ORO CITY – Naabo ang halos 20 ka balay tungod sa laing pag-ulbo sa sunog sa dalang Montalvan-Burgos,Brgy 13 ning syudad kagabii.
Gibutyag ni Brgy 13 Punong Brgy Jongjong Librada nga subay sa iyang nasayran nga nagsumikad sa usa ka renter ang tinubdan sa kalayo nga paspas mikaylap sa laing mga kabalayan.
Hinoon,walay mga residente nga samaron o nakalas atol sa hitabo.
Samtang sa panig usab sa Bureau of Fire Protection,padayon ang pagsuta nila sa hinungdan sa sunog diin mitala sa 1.5 milyones pesos ang structural damages.
Kini na ang ikaduhang sunog nga natigayon ning syudad diin unang nahitabo sa Brgy Lapasan sa miaging semana.
