CAGAYAN DE ORO CITY – Naugdaw ang halos 20 ka balay sa interior nga bahin sa Western Kolambog,Brgy Lapasan ning syudad kaganihang kadlawon.
Gibutyag ni BFP Lapasan Station commander SFO4 Rolando Aque nga subay sa ilang inisyal nga imbestigasyon,nagsugod ang pagkaylap sa kalayo sa balay ni Lydia Ponsos ug paspas milamoy usab sa ubang kabalayan niini.
Hinoon,walay bisan usa ka residente nga samaron o nakalas sa maong sunog.Gibana-bana nga anaa sa kapin 142-mil pesos ang structural damage sa hitabo.
Gisuta pa usab sa BFP ang pinakahinungdan kon nganong kalit miulbo ang dakong sunog.
Sa pagkakaron,kasamtangang gipahimutang ni Brgy Kapitan Julito Ogsimer ang mga apektadong pamilya sa main covered court samtang gipaubos sa profiling alang sa ihatag nga ayudang pinansyal sa mga mosunod nga adlawa.
Samtang bukas usab ang konseho sa brgy alang sa pagdawat sa mga mapuslan nga dinalian nga mga tabang aron magamit sa mga nabiktima sa sunog.
Samtang mihangyo si Lapasan Punong Brgy Julito ‘Litlit’ Ogsimer ngadto sa mga grupo nga dunay ikadugang pagtabang nga dili ihikaw alang sa ilang katawhan nga biktima sa dakong sunog.
Kini human gipukaw sa dakong kalayo ang daghang pamilya rason nga wala sila’y nadala sa ilang paghawa sa maong lugar.
Miingon si Ogsimer nga limitado kaayo ang pondo sa brgy ug sa city govt,rason nga pabiin sila nga bukas alang sa pagdawat sa ubang mga tabang nga labing gikinahanglan pag-ayo sa mga biktima sa sunog.
Hisayrang anaa sa sobra 400-mil pesos ang structural damage sa maong sunog samtang gisuta pa sa taga-BFP ang rason hitabo.
Hinoon,luwas ra ang tanang tagbalay gikan sa maong trahedya kaganihang kadlawon
