CAGAYAN DE ORO CITY – Giatubang sa halos 20 ka dinakpan nga mga personalidad ang mga kasong human gitudlong nalambigit ug nabawian sa klase-klaseng ismagol nga sigarilyo nga gipalusot sa pundok sa smugglers sa Northern Mindanao region.
Matud ni Police Regional Office 10 spokesperson Maj. Joann Navarro nga nagsumikad ang lapad nga anti-smuggling operations sa lower units subay sa mando sa ilang kadagkuan pinanguluhan ni Police Regional Director Brig Gen Ricardo Layug Jr nga nakabase sa Camp Vicente Alagar ning syudad.
Miingon si Navarro nga subay sa giduso nga mga impormasyon sa lower units ngadto sa buhatan ni Layug nga apil sa mga lugar nga dunay nadakpan batok sa maong kontrabando ang naglakip sa Lanao del Norte,Iligan City,Bukidnon ug mismon dinhi sa syudad sa Cagayan de Oro.
Nasuta nga ang maong mga sigarilyo ang nakasupak sa Customs Modernization and Tariff Act of 2016 rason nga gipangdakop kuyog sa mismong taga-Bureau of Customs ug ubang ahensiya sa gobierno aron dili na proteksyonan ang lehitimong nga kompanya nga nag-negosyo niini.
Hisayrang anaa sa sobra 12 milyones pesos ang kantidad sa nabawing mga sigarilyo sulod sa lima ka bulan nga anti-smuggling operation sa PRO-10 sukad Enero hangtod Mayo ning tuiga.
