CAGAYAN DE ORO CITY – Gitumbok sa BFP nga ang pagpasagad sa nilung-ag gamit ang rice cooker ang usa sa mga anggulo kon nganong nasunog ang halos 30 ka balay sa Brgy Casinglot,Tagoloan,Misamis Oriental.
Giila ni SFO 1 Jay Tan sa Phividec Industrial Estate of Misamis Oriental o PIEMO ang tag-iya sa balay nga nagsumikad nga sunog nga si Felix Jabagat sa maong lugar kagahapong adlawa.
Miingon si Tan nga ipadayon nila ang pag-imbestigar sa maong hitabo diin midamyos sa halos uno milyon pesos.
Hinoon,walay bisan usa ka kinabuhi ang nakalas sa maong hitabo.
Samtang gilayong gipaabot sa brgy,municipal ug provincial govts ang pagtunol ayuda sa mga biktima sa sunog sa BrgyCasinglot,Tagoloan,Misamis Oriental.
Miingon si PDRRMO head Fernanod Dy Jr nga gipahimutang na usab sa tunghaang elementarya ang mga biktima samtang gipaabot ang mga dokumento nga basehan aron hatagan sa tabang-pinansyal nunot sa hitabo.
Miingon si Dy nga sa kapaspas ang pag-reponde sa mga otoridad,pulos naluwas ang mga kinabuhi sa mga biktima apan subo lamang kay nawad-an sa ilang mga pinuy-anan.
