CAGAYAN DE ORO CITY – Gianod sa tubig-baha ang pinuy-anan sa usa ka pamilya ug laing unom ang nadamyos sa pagbaha sa Brgy Portulin,Medina,Misamis Oriental.
Kini epekto sa presensiya sa low pressure area o LPA nga mihabol sa Northern Mindanao nga nag-resulta sa kalit nga mga pag-ulan kagahapong adlawa.
Gibutyag ni PDRRMO officer-in-charge Floy Francisco nga hinoon walay bisan usa ka residente nga samaron nunot sa lihok sa kinaiyahan.
Gawas niini,natigayon usab ang landslide sa Brgy Mimbolo samtang nasudlan sa baha ang South ug North Poblacion,Cabug,Tambagan,Duka,Maanas,Bulwa ug Tup-on.
Samtang gikompirmar usab ni Francisco nga dunay halos 300 ka pamilya ang gihikling tungod sa pagbaha sa Brgy Ines,Talisayan ning lalawigan.
Siya miingon nga pipila sa maong mga pamilya ang hinay-hinay nang nanguli samtang mihubas na ang pagsaka sa tubig-baha
.
