CAGAYAN DE ORO CITY – Gisugdan na’g pangita sa intelligence operatives ang tag-iya sa yuta ug ang mga mitanom sa drogang marijuana sulod sa 1/4 size hectare nga yuta sa Sitio Bagalbal,Brgy Guinuyoran,Valencia City,Bukidnon.
Gihimo ni Police Regional Office 10 spokesperson Police Maj. Joann Navarro ang pahayag nunot pagka-eskapo sa mga nag-operate sa maong plantasyon samtang gilusob sa tropa sa Police Drug Enforcement Group Special Operations Unit 10 ug 2nd Provincial Mobile Force Company sa miaging kadlawon.
Nasuta nga anaa sa halos 8-mil ka punuan sa marijuana nga nagbalor sa 1.5 milyones pesos ang naibot sa tropa.
Giandam usab sa kapolisan ang mga ebedensiya aron ipasaka batok sa mga tawong responsable kabahin sa marijuana plantation.
