(Update) CAGAYAN DE ORO CITY – Gitahasan na ni City Mayor Rolando ‘Klarex’ Uy ang CHUDD aron pangitaan sa relokasyon ang mga pamilyang apektado sa sunog sa Brgy Carmen.
Kini tungod kay pribadong ang yuta nga giugbukan sa mga puy-anan sa mga biktima ug gitakda na usab nga gamiton sa tag-iya.
Namahayag si Janboy Actub,tigpamaba ni City Mayor Klarex nga motabang usab niini ang konseho sa brgy pinaagi ni Kapitan Kikang Uy aron mapadali ang pahimutangan sa mga biktima.
Kasamtangang gi-house ang mga biktima sa brgy hall samtang ang ubang sa hayskul sa Macanhan ning syudad.
