CAGAYAN DE ORO CITY – Nabawi sa grupo ni Regional Drug Enforcement Unit 10 chief Capt Jason Sto Domingo ang halos milyon ka pesos nga balor sa gitoohang shabu gikan sa duha ka dinakpan sa magkalahi nga operasyon ning syudad.
Kini human unang nadakpan ang sakop sa Batang Mindanao 29 sa buy bust operation nga si Jovito Abajen,34 anyos nga taga-Brgy Macasandig diha sa Brgy Nazareth sa dakbayan kagahapong adlawa.
Miingon si Sto Domingo nga nakompiskar gikan kang Abajen ang 70 gramos nga gitoohang shabu nga may balor 400-mil pesos.
Una usa niini,nadakpan sa RDEU-10 ang laing suspek nga si Mido Sabanal Bacan sa Brgy Balulang diin nakuhaan usab sa tunga sa milyon ka pesos nga gitoohang shabu.
