CAGAYAN DE ORO CITY – Gihimong abo aron dili na mapuslan sa hingpit ang halos 14 milyones pesos nga kantidad sa ilegall nga droga nga gilangkuban sa shabu,marijuana ingon man mga hupas na nga mga tambal sa thermal facility sa Cosmopolitan Funeral Home sa Capistrano Street ning syudad.
Kini human gimando na sa nagkadaiyang korte diin nasang-at ang ilegal drug cases sa Northern Mindanao ang paggun-ob sa mga shabu ingon man marijuana oil aron kalikayan nga magamit pa’g utro kung makabalik sa mga kamot sa tigpakaylap niini.
Namahayag si PDEA 10 regional director Atty. Benjamin Gaspi nga pagmatood kini nga wala undangi sa kagamhanan ang pagsanta sa ilegall nga droga aron dili magumon ang katawhan ilabina ang sector sa kabatan-unan.
Hisayrang sobra mil-500 gramos sa shabu ug laing 18-mil 200 gramos sa marijuana ang gipangunaya’g sunog ni Gaspi kuyog si Police Regional Office 10 Director Brig Gen Jaysen De Guzman ingon man ang ubang mga representante gikan sa kagamhanan.
