CAGAYAN DE ORO CITY – Gituyo pagdaut sa taga-Bureau of Customs Cagayan de Oro District Port ang halos 14-milyon pesos nga ismagol nga bombay gikan sa China nga nasapon pagdunggo sa Mindanao Container Terminal sa Tagoloan,Misamis Oriental.
Kini human pakyas makapresentar sa legal nga dokumento sa ahensiya ang consignee nga JDFallar Consumer Goods Trading hinungdang tinuyo gidamyos diha sa Terra Cycliq Corporation sa Brgy Mantibugao,Manolo Fortich,Bukidnon.
Miingon si BoC CdeO port collector Atty Elivera Cruz nga gikasuhan usab nila ang consignee sa kasupakan sa Customs Modernization and Tariff Act tungod sa maong kasupakan.
Unang gipatoo nga sagol sa pagkaon ang maong karagmento apan lahi ang aktuwal nga nakit-an sa Customs niadton Agosto ning tuiga.
