CAGAYAN DE ORO CITY – Nasikop ang laing ka-transaksyon sa kanhi mayor sa usa sa mga selda sa Lumbia City Jail sa laing follow up operation sa mga operatiba sa Nazareth Police Station diha sa Brgy Puerto ning syudad.
Giila ni Police Cpl Patrick Buna sa Nazareth Police Station ang suspek nga si John Rey Lagura,hingkod ang panuigon ug kanhi dinakpan sa kaso gihapon nga illegal drugs.
Nakompiskar gikan sa suspek ang baor 55-mil pesos nga gitoohang shabu,buy bust money ug ubang paraphernalia sa transaksyon.Gihimakak sa suspek nga siya ang tag-iya sa nabawi nga mga ebedensiya gikan kaniya.
Samtang gikonsiderar sa COCPO nga ang epektibo ug maayo nila nga intelligence networking sulod sa mga brgy ang dako’g tabang aron matumbok ang mga sakop sa sindikato sa ilegal nga droga dinhi sa syudad.
Kini ang pagpasabot ni COCPO deputy director for operation Lt Col Ariel Philip Pontillas tungod sa P1.8 -M nga balor sa gitoohang shabu nga nakompiskar sa tropa ni Nazareth Police Station commander Maj Allan Cairel sa Brgy Gusa ug Brgy Puerto sa miaging semana.
Miingon si Pontillas nga tungod sa kooperasyon sa komunidad,mas napasayon sa PNP ang pagdakop kanhi mayor sa selda nga si Richard Chong ug John Rey Lagura sa Brgy Puerto nga wala pa’y 24 oras ning syudad.
