CAGAYAN DE ORO CITY – Nakompiskar sa hiniusang operasyon sa kapolisan ug militar ng dul-an 2 milyones pesos nga balor sa smuggled cigarettes dihang miagi ang trak de karga sa gilusad nila nga checkpoint sa Purok 1,Brgy Omonay,Damulog,Bukidnon.
Matud ni Police Regional Office spokesperson Major Joann Navarro nga unang gilikayan sa drayber sa Bongo truck ang checkpoint ug gibanggaan ang barikada hinungdang gilayong gigukod sa tropa sa gobierno.
Paspas nakasibat ang drayber sa maong trak ug gibiyaan ang trak ingon ang mga kargang segarilyo niini.
Sa gihimong imbentaryo sa tropa sa 1003rd Manuever Company,Regional Mobile Force Batallion 10 kuyog ang Damulog Municipal Police Station,Bukidnon Police Provincial Office sa Delta Company sa 89th Infantry Batallion ubos 10th Infantry Division, Philippine Army nasuta nga nagkadaiyang brand sa sigarilyo ang karga sa trak.
Gilayong gitugyan sa mga otoridad sa Bureau of Customs o BoC ang balor 1.8 milyones pesos nga kontrabando ingon man ang trak alang sa dugang aksyong-legal.
