CAGAYAN DE ORO CITY – Gihimuan na sa dugang imbestigasyon sa Bureau of Fire Protection investigators ang pagkasunog sa tulo ka balay sa Purok 2,Barangay Talairon,Oroquieta City,Misamis Occidental.
![](https://cdo.bomboradyo.com/img/2024/02/sunog-sa-oroquieta-city.jpg)
(Photo by:Piers Macalisang)
Namahayag si BFP-Misamis Occidental Provincial Fire Marshall Col. Greg Elbambo nga subay sa spot report nga gipaabot gikan sa Oroquieta City Fire Station nga nagsumikad ang kalayo sa balay ni Daisy Luces nga residente sa maong lugar.
Nadamay usab ang laing pinuy-anan nga iya ni Felix Cañete diin giabangan usab ni Joisa Evidente ug ang laing usa ang wala na’y nagpuyo atol sa hitabo.
Siya miingon nga padayon pa ang gihimong pakisusi sa ilang mga imbestigador aron tumbukon ang rason sa sunog.
Hinoon,walay natala nga kinabuhi nga nakalas sa pagkasunog sa tulo ka balay mitala’g estimated structural damage nga halos 300-mil pesos kagahapon sa buntag.