CAGAYAN DE ORO CITY – Atubangon sa dinakpan nga suspected illegal drug pusher nga unang nabawian sa 500 gramos nga gitoohang shabu sa gilusad nga operasyon sa PDEA-BARMM sa Barangay Marawi Poblacion,Marawi City,Lanao del Sur.
Giila ni PDEA Bangsamoro Autonomous Region Director Gil Cesario Castro ang ilang dinakpan nga si Arham Hadji Omar Alim alyas Abol,25 anyos nga nagpuyo sa Barangay Dilusan Poblacion,Maguing sa maong probinsya.
Sulti ni Castro nga naaresto si Abol nunot sa gilusad nga high impact operation sa ilang tropa nunot sa kasaligang impormasyon alayon sa ilegal nga kalihukan niini.
Unang nabawi gikan sa suspek ang 5 ka ice plastic bags nga maoy gisudlan sa gitoohang shabu nga nagkantidad halos 4 milyones pesos, IDs,pribadong sakyanan ugu bang mga ebedensiya kabahin sa kalihukan.
Dili kini bag-o nga operasyon sa PDEA-BARMM kay ubay-ubay’ng suspected drug pushers na nga nakig-transaksyon sa minilyong balor sa shabu sa Lanao del Sur ning tuiga.
