CAGAYAN DE ORO CITY – Dakong tabang alang sa SITG Johnny Walker ang tanyag nga halos 4 milyones pesos nga reward money alang sa mga tawong makatudlo sa utok ug mga sinugo pagpusil-patay sa magsisibya nga si Juan Jumalon sa lungsod sa Calamba,Misamis Occidental.
Kini human mismo si Misamis Occidental Gov. Henry Oaminal ang mohatag sa 500-mil pesos nga premyo sa mga sibilyan makatabang pagtudlo sa mga kreminal.
Miingon si Police Regional Office 10 spokesperson Police Maj. Joann Navarro nga mas mapadali ang ilang pagpangita sa mga responsble sa kremin tungod sa tanyag sa gobernador.
Kini tungod kay migahin usab kini sa 3 milyones pesos nga pahalipay ngadto sa mga pulis nga mismong makadakop sa mga suspek sa hitabo.
Dumduman nga anaa usab sa gatos-miel pesos ang gitanyag sa pamilyang Jumalon ug laing 200-mil pesos gikan sa duha ka national govt offices alang sa dinaliang sulbad sa kamatayon sa biktima nga nalubong na sa Zamboanga niadtong adlaw’ng Domingo.
