CAGAYAN DE ORO CITY – Nadakpan sa hiniusang operasyon sa Philippine Drug Enforcement Agency -Bangsamoro Autonomous Region,Philippine National Police ug Armed Forces of the Philippines ang tulo ka high value targets sa Barangay Cabingan,Marawi City,Lanao del Sur.
Kini human nasulod la-ang ang targeted HVTs dihang gilusad ang buy bust operation sa maong lugar.
Giila ni PDEA-BARMM Regional Director Gil Ceasario Castro ang mga dinakpan nga sila Isnaima Arimao Sapia alyas Isnampi; Sanny Sangkad Kaadeadatu alyas Sanny ug Allandoni Alaweya Mendalano alyas Kasim nga pulos nagpuyo sa lugar.
Nakompismar sa government operating troops gikan sa mga suspek ang bana-banang usa ka kilong gitoohang shabu nga dunay estimated street value nga halos P7 milyon; buy-bust money ug ubang mga ebedensiya.
Detinado na sa PDEA-BARMM jail facility ang mga dinakpan samtang ipasaka ang kasong pagsupak sa Comprehensive Dangerous Drugs Act of 2002 sa piskalya ning semanaha.
Dili kini bag-o nga kalampusan sa PDEA-PNP-AFP joint operations kay Marawi City kay sa miaging mga semana,may nadakpan gihapon nga nakuhaan sa mga minilyong balor sa gitoohang shabu.
