CAGAYAN DE ORO CITY – Nakompiskar sa hiniusang special units pinanguluhan sa g Regional Special Operations Unit ang bana-bana nga usa ka kilo sa gitoohang shabu nga nagkantidad sa halos 7 milyon pesos gikan sa upat ka suspetsado sa Fortich-Noble Street,Barangay 3,Talakag,Bukidnon kagabii.
Giila ni Police Regional Office 10 spokesperson Lt Col Michelle Olaivar ang mga dinakpan nga si Saanoding Bato,Ebrahim Mamalo;Renaldo Salva ug Jessein Bagas nga pulos hingkod ang mga panuigon nga gikan sa Lanao del Sur ug dinhi sa Misamis Oriental.
Nakompiskar usab ang sakyanan ug motorsiklo nga gigamit sa mga suspek sa maong transaksyon.
Gitakdang kasuhan sa pagbaligya sa ilegal nga droga ang mga suspek sa Bukidnon sa sunod semana.
