Mibalik sa pakignegosasyon tali sa gobyerno sa Israel, ang grupong Hamas didto sa Doha Qatar.
Ang negosasyon gipaagi sa “mediation” o pagpataliwala sa Estados Unidos ug Qatar aron makab-ot ang laing hugna sa ceasefire sa Gaza.
Lakip sa nahisgutan ang pagbinayluay sa mga bihag nga Palestino tali sa mga residente sa Israel nga kapin duha ka tuig nang gihuptan sa mga militante.
Gitin-aw ni Hamas Representative Mahmoud Mardawi, nga kini nga negosasyon gibase sa sugyot nga gisumiter ni U.S. Special Envoy Steve Witkoff, apan, aduna silay gipatuman nga mga kabag-uhan.
Sa pikas bahin, namahayag si Israeli Defense Minister – Israel Katz nga lisud hatagan sa katumanan ang hangyo sa Hamas.
Wala na mihatag sa dugang detalye si Katz kung unsa ang gusto mahitabo sa Hamas, ilabe nga sila ang nagpasiugdan sa kagubot niadtong Oktobre 7, 2023.
