Dili basta-basta musawsaw o mangilog sa eksena ang korte suprema sa normal nga proseso sa pagpangitag hustisya gikan sa kamarabaha hangtud sa senado, ilabe sa paghawid sa bug-at nga mga kaso sama sa impeachement.
Katin-awan kini ni IBP National President Allan Panulong sa interbyu sa BOMBO RADYO.
Miingon si Panulong nga co-equal branch ang senado ug kongreso, kundiin ang matag usa adunay tagsa tagsa ka ka mga function ug operation.
Iyang gitataw nga hangtud walay mapagawas nga temporary restraining order o TRO gikan sa Korte Suprema, magpadayon ang pagdungog sa kaso ni Vice President Sara Duterte sa senate impeachment court. Hisayran nga ang TRO ilugwa lamang sa korte kung aduna silay makita nga eregularidad sa proseso.
Una niini, misang-at na ang ubay-ubay ka grupo sa abogado sa Korte Suprema sa TRO aron babagan ang impeachment sa senado human gikuwestiyon ang eregularidad sa proseso nga gigamit sa komitiba ni Kongresista Gerville Luistro
