Nabalaka ang mga eksperto nga posibleng mulungtad pa sa pipila ka bulan ang epekto sa miyuyanap nga Hantavirus gikan sa pasahero nga natakdan sulod sa MV Hondius cruise ship.
Namahayag si Arnaud Fontanet, hepe sa epidemiology of emergency diseases sa Pasteur Institute sa Paris nga ang paglungtad niini sa daghan bulan mao ang epekto sa taas nga incubation period sa bayrus.
Wala gipakilid ni Fondanet nga mahimong mawala ang bayrus sa kalibutan sa pipila ka bulan, apan, dili ikatingala kung kini mubalik busa kinahanglan kanunay andam ang mga nasud sa kontaminasyon nga dala niini.
Gitataw sa epidemiologist nga kini nga bayrus dili paspas manakod, apan, makapatay kung mapasagdan ang pasyente.
Sa kasamtangan anaa nay 9 ka tawo ang kumpirmadong nataptan sa Hantavirus ug tolo na ang namatay.
Midugang niini ang 12 ka staff sa Radboudumc hospital sa Netherlands gi-quarantine sulod sa unom ka semana tungod sa pag-atiman sa usa ka pasyente nga gikan sa cruise ship nga wala magamit ang pinakastriktong protective protocols
