CAGAYAN DE ORO CITY – Maka-alarma!Kini ang reaksyon sa Mindanao State University-Marawi City Campus Office of Information,Press and Publication sa giingong ‘hate speech’ ni Misamis Oriental Gov. Peter Unabia ngadto sa Maranao-Muslim community.
Miingon si Ayesah Merdera Bint Abul Khayr sa Office of Information,Press and Publication sa MSU-Marawi Campus nga katulo niya gipaminaw ang maong pahayag sa gobernadora ug nasubo siya nga kini ang napalanog atubangan sa katawhan.
Siya miingon nga angayang masayran sa opisyal kung unsa ka dako ang sakripisyo sa mga Muslim nga naglangkob sa Bangsamoro Autonomous Region in Muslim Mindanao o BARMM nga miagi sa grabeng gubat sobra 500 ka tuig na ang milabay sukad nangabot ang langyaw’ng mga manlulupig.
Miingon si Khayr nga unta mogamit sa laing plata porma si Unabia ug dili ang pagsampit sa sensitibo nga bahin sa maong isyu.
Una usab niini,namahayag Unabia nga gihuptan niini ang taas nga respeto sa mga miembro sa Maranao community. Siya miingon nga mugna kini nga eksena sa iyang mga kontra sa politika aron sakyanan ang na out of context niya nga mga pahayag.
Kinasingkasing nangayo’g pasaylo si Unabia kay wala niya kini gitumong nga makalabha’g balatian ug isalikway ang adunahan nga kasaysayan,kaliwatan ug dignidad sa Maranao-Muslims.
Maoy pinaka-sentro sa mensahe ni Unabia ang pag-alerto sa kaigmat kabahin sa isyung pang-seguridad ilabina sa nagkaylap nga mga pekeng salaping papel ug ang kalit pagbutho sa dili Ilhan nga mga inbididwal sa lalawigan.
