Daghang nagpaabot sa ilang pakig-uban sa kasubo ngadto sa pamilya sa yumaong Former House Speaker Jose Claveria De Venecia Jr., pinaagi sa pagpadala sa mga funeral flower standee sa Heritage Memorial Park, Taguig City.
Magpabilin ang haya ni De Venecia sa Heritage Memorial Park, Taguig City hangtod ugma, Pebrero 13, diin adunay nakatakdang misa matag alas-siyete sa gabii.
Si Venecia natawo sa Dagupan, Pangasinan niadtong Disyembre 26, 1936 ug namatay niadtong Pebrero 10, 2026 sa edad nga 89.
Nailhan siya isip pinakadugay nga nagsilbi nga Speaker sa House of Representatives, diin nakapadagan siya sa pito ka termino ug lima niini isip Speaker.
Siya usa sa mga nag-umol sa partido Lakas–CMD ug usa ka coalition builder nga nakatabang sa pagpalig-on sa demokratikong institusyon human sa People Power Revolution.
Gawas sa politika, nagsilbi usab siya isip journalist, diplomat, ug negosyante, ug giila sa tibuok kalibutan isip usa ka advocate sa kalinaw.
Ang iyang legacy naglangkob sa daghang landmark legislation nga nakatabang sa ekonomiya ug sa milyon-milyong Pilipino, ilabi na ang mga OFW.
