CAGAYAN DE ORO CITY – Nakahaya na sa Archbishop Hayes Hall ang patay’ng lawas ni Msgr Elmer Abacahin,PC,SSJV sa San Agustin Cathedral nga namatay tungod sa gihambing kanser ning syudad kagahapon sa buntag.
Kini ng anunsyo sa Archdiocese of Cagayan de Oro Social Communication Apostolate kabahin sa nahitabo kang Abacahin aron magiyahan ang katawhan nga gusto moduaw kaniya sugod ning adlawa.
Sumala sa pahibalo, adunay santos nga misa matag-alas 8 sa gabii nga pahinungod sa namatay’ng pari.
Sa dili pa usab ilubong si Abacahin, may burial mass nga himoon sa Cathedral sa Nob 25 sa buntag ayha kini ipahimutang sa katapusang pahulayan sa San Jose Memorial Park, Seminary Hills, Camaman-an ning syudad.
Ilado si Abacahin tungod sa daghan niyang adbokasiya nga sugo sa simbahan ug ang pagsilbi usab niini nga aktibong sakop sa Cagayan de Oro Press Club diin siya nahimo usab nga president sa miaging katuigan.
