CAGAYAN DE ORO CITY – Dasig ang naglangkob sa High Defininition Crew CdeO Dancers nga kab-uton ang laing kadaugan sa apilan nila nga kompetisyon didto sa United Kingdom o UK sa Agosto 2019.
Kini human sila ang mohimo’g representasyon sa Pilipinas alang sa maong kompetisyon.
Miingon ang lider sa maong hip hop dancers nga si Ian Pacut nga dala ang bag-uhay nga kadaugan sa gikan sa China,ipalig-on pa nila ang ilang training ilabina nga daghang tawo na ang nakaila kanila ug nagpaabot sa tabang.
Gibutyag ni Pacut nga miagi sila sa grabeng kalisdanan pagpangita’g pondo aron lamang makatigom sa igong salapi padulong sa Chongzu,China.
Nasakmit sa Kagay-anon dancers ang pagsilbing 3rd placer sa 2018 ASIAN PACIFIC HIPHOP DANCE CONTEST diin sila nakadawat sa medalya ug P140-mil nga cash prize.t.
Una usab niini,dili tiaw ang natabang sa kanhi Palarong Pambansa player ug karon talent manager nga si Loren Go sa maong dancers aron lamang makuhaan ang obligasyon-pinansyal padulong sa China sulod sa usa ka semana niadtong Nobyembre 3 ug 4 ning tuiga.
