CAGAYAN DE ORO CITY – Gilauman ni City Mayor Oscar Moreno nga dunay ‘health security relax’ sa ipagawas nga bag-ong quarantine guideline protocols ni Pres Rodrigo Duterte sulod ning semanaha.
Kini human hupas na ang presidential executive order no. 122 ni Duterte diin naghatag hugot seguridad sa katawhan batok sa coronavirus disease 19 sa nasud.
Miingon si Moreno nga tungod unya sa ipatuman nga bag-ong gabayan,lauman nga may mga establisimiento ug ubang suspected activities ang mabalik na diin kasamtangang ubos sa general community quarantine ang syudad.
Samtang misugod na ang ikaduhang hugna sa libreng relief goods assistance alang sa kabus nga mga pamilya nga apektado sa coronavirus disease 19 sa syudad.
Miingon si Moreno nga mismo na ang city hall ubos sa koordinasyon sa punong barangays ang mohatag sa food packs alang sa mga apektadong pamilya sa dakbayan.
Gimando usab niini sa CSWD nga masiguro ang physical distancing sa katawhan aron kalikayan ang posibleng takod sa bayrus.
