CAGAYAN DE ORO CITY, Philippines – Human sa init nga tinubaga nila Vice President ‘Inday’ Sara Duterte ug Senator Risa Hontiveros sa pagdungog sa senado, gilarawan ni VP Sara ang iyang kaugalingon nga ‘very cordial’ o dili plastic nga tawo.
Sa pagsusi sa sugyot nga pondo sa Office of the Vice President alang sa sunod tuig, milanding sa personalan ang pagtubag ni Duterte sa mga ‘general questions’ ni Hontiveros kalabot sa unod sa ‘Childrens Book’ nga ipanghatag sa OVP sa publiko nga nagkostar sa 10-Milyon pesos.
Human sa init nga diskusyon sa duruha, gisulayan ni Senator Alan Peter Cayetano nga hupayon ang tensyon sa sulod sa committee room ug gibutyag nga gusto niining magbaton sa usa ka ‘cordial exchange’.
Hisayran nga malampusong naduso ngadto sa plenaryo sa Senado ang 2025 proposed national budget sa OVP.
