Posibleng magsugod sa sunod tuig ang ‘trial proper‘ sa kaso batok kang kanhi Presidente Rodrigo Duterte sa International Criminal Court (ICC), sumala ni ICC-accredited lawyer nga si Atty. Gilbert Andres.
Bisan daghan ang gustong masugdan dayon ang husay, giingon ni Andres nga kinahanglan sundon ang due process.
Sa Setyembre 23, gitakda ang confirmation of charges hearing diin ipresentar sa prosecution panel ang duha ka testigo ug uban pang ebidensiya aron mapamatud-an nga angay na husayon ang kaso.
Human sa maong hearing, hatagan sa 60 ka adlaw ang Pre-Trial Chamber aron tun-an ang mga ebidensiya ug magpagawas sa resolusyon kung ipadayon ba ang husay o absuweltohon si Duterte.
Kung magpadayon ang trial, posible kini magsugod sa Enero o Pebrero sa 2026.
