Mag file sa petisyon sa Korte Suprema si Atty Manuelita Luna, kanhi komisyoner sa Presidential Anti Corruption Commission (PACC), aron ma fast track ang mga gipasaka nga petisyon sa Temporary Restraining Order (TRO) batok sa proseso sa pagdungog sa impeachment complaints batok Vice President Sara Duterte.
Gipasabot ni Atty Luna nga posibleng idason niya kini ning semanaha aron mabasa sa mga hurado ug mapalugwa ang TRO.
Alang kang Luna tataw nga “void” o illegal ang nahitabong impeachment proceedings kay ang mga hearings ug pagpangita sa probable cause sa committee on Justice naka supak sa constitutional provision sa Article 11 Sec 3, sub paragraph 2.
Unod sa balaod ang requirement nga ang tanan hearing ug desisyon dunggon sa regular nga sesyon ug dili panahon sa session break.
Gipasabot ni Atty Luna nga ang tanan naglabay nga hearings pulos nahitabo sa session break ug klaro kini nga naka supak sa maong probinsyon sa kontitusyon.
