CAGAYAN DE ORO CITY, Philippines – Gidawat na ni Senate Minority Leader Aquilino Pimentel III ang chairmanship sa pag-imbestigar sa duguong ‘war on drugs’ sa Duterte Administration.
Apan gitin-aw ni Pimentel nga dunay duha ka opsyon ang senado sa pagbukas sa hearing.
Una, mahimo kining dunggon samtang season break pinaagi sa Blue Ribbon Committee Members ug mga resource persons.
Ikaduha, dunggon ang isyu sa pagbalik sa session o regular session sa senado sa unang semana sa Nobyembre, dungan sa pagpangita sa ilang mga resource persons.
Manihumduman nga mi-abante na ang panawagan sa House of Representative Quadrupole Committee sa pagpalingkod kang kanhi Presidente Rodrigo Duterte sa unang semana sa Nobyembre isip ilang resource person.
