Mikalas sa walo ka tawo ang pag crash landing sa helicopter sa Indonesia
Nakumpirmar nga patay na ang tanan pasahero human makit-an ang debris sa West Kalimantan, Indonesia.
Gibutyag ni Lt. Col. Nurrachman Gindha Dradhizya, upat ka lawas ang na-evacuate ug gibutang sa body bags, samtang tulo pa ang naa sulod sa wreckage.
Ang ika-walo nga biktima padayon pang gipangita.
Tungod sa kangitngit, gipahunong ang operasyon ug ipadayon sa buntag sa Biyernes, lakip na ang pagputol sa wreckage aron makuha ang mga lawas nga nabilin.
